Radiomut GMDSS-imi atuinissamut akuersissut nalinginnaasoq(GOC)+

Akuersissutit GOC-nut inunnut 18-ilereersimasunut tunniunneqarsinnaapput.

Akuersissut GOC misilitsinnermi, angusereernerup ukiunik tallimanik kingorna tunniunneqarsinnaavoq, taannalu atuutissaaq akuersissutip tunniunneqarneranit ukiut tallimaat atuuttussanngortillugu. Akuersissutip GOC-p atuunnissaa nutaanngortinneqassappat, ukiuni tallimani nutaani tulliuttuni, piginnittup makku uppernassassavai:

1) Radionik atuisuusimalluni umiarsuarni imarsiutini GMDSS-ini, suliaqarsimallunilu akuersissutip taassuma suliffimmi atuuffiani, minnerpaamik ukiumi ataatsimi, akuersissutip ukiuni tallimani atuunnerata nalaani

2) Radionik atuisuusimalluni umiarsuarni imarsiutini GMDSS-ini, suliaqarsimallunilu akuersissutip taassuma suliffimmi atuuffiani, minnerpaamik qaammatini pingasuni, qaammatit kingulliit arfinillit iluanni, imaluunniit

3) Suliaqarsimalluni, Nalunaarasuartaateqarnermut Aqutsisoqarfiup naliliinera malillugu, nr.1-imi aamma 2-mi sulianut assingusunik suliaqarsimalluni.

Akuersissummik GOC-imik pisaaqqissangaanni, ukiuni tulliuttuni tallimani atuuttussamik, inuit piumasaqaatinik takussutissaateqanngittut, nutaamik misilitseqqillutik akuerineqarsinnaapput.

Akuersissutit  ROC inunnut 18-ilereersimasunut tunniunneqarsinnaapput.

Akuersissutit ROC ulloq tunniunneqarfianiit ukiuni tallimani atuuttussanngorlugit tunniunneqartarput, taamaalilluni ukiuni tallimani atuuttussaavoq qinnuteqaateqareernermi.

Akuersissutit LRC-it inunnut 16-ilereersimasunut tunniunneqarsinnaapput.

Akuersissutit LRC-it killilersungaanngittumik sivissuseqartumik atorsiinnaapput.

Akuersissutit SRC-it inunnut 15-ilereersimasunut tunniunneqarsinnaapput.

Akuersissutit SRC-it killilersungaanngittumik sivissuseqartumik atorsiinnaapput.