Nalunaarasuartaateqarnermi Aqutsisut, Namminersorlutik Oqartussat kisermaassisussaatitaanerisa unioqqutissimanerat pillugu Inu:it A/S politiinut tunniuppaat

Nalunaarasuartaateqarnermi Aqutsisut ulloq 17.04.2024 Namminersorlutik Oqartussat kisermaassisussaatitaanerisa unioqqutissimanerat pillugu Inu:it politiinut tunniuppaat, takuuk Nalunaarasuartaatitigut nalunaarasuartaatitigullu kiffartuussinerit pillugit Inatsisartut inatsisaat nr. 31, 23. November 2017-imeersoq, tassani pineqarluni Starlink-imut antennelersimaneq aamma Starlink aqqutigalugu nalunaarasuartaatitigut kiffartuussinernik tuniniaaqqissimaneq.

Februarimi Nalunaarasuartaateqarnermi Aqutsisut Namminersorlutik Oqartussat nalunaarasuartaatitigut attaveqarnermut atortut, taakkununnga ilanngullugit satellit-ikkut atortulersuutit pillugit kisermaassisussaatitaaneq pillugu ilitsersuusiorpoq. Takujuk ilitsersuut uani.

Ilitsersuummut uunga apeqqutissaqartillugu, Louise Restorff Jacobsen attavigineqarsinnaapput uunga 346909 imaluunniit loja@nanoq.gl